കാലിഫോര്‍ണിയ: കാലിഫോര്‍ണിയായിലെ ഹോളി ഫാമിലി പാരീഷിലെ പരിശുദ്ധകന്യാമറിയത്തിന്റെ രൂപത്തിന്റെ ശിരസ് തകര്‍ത്തു. ശിരച്ഛേദം ചെയ്ത നിലയിലാണ് രൂപം കണ്ടെത്തിയത്. രാജ്യം മുഴുവന്‍ കത്തോലിക്കാ ദേവാലയങ്ങള്‍ക്കും രൂപങ്ങള്‍ക്കും നേരെ നടന്നുകൊണ്ടിരിക്കുന്ന ആക്രമണങ്ങളില്‍ ഏറ്റവും ഒടുവിലത്തേതാണ് ഇത്. ജൂണ്‍ മുതല്ക്കാണ് പൊതുസ്ഥലങ്ങളില്‍ പ്രതിഷ്ഠിച്ചിരിക്കുന്ന വിശുദ്ധ രൂപങ്ങള്‍ക്ക് നേരെയുള്ള അക്രമം വ്യാപകമായത്. അക്രമികളുടെ മാനസാന്തരത്തിന് വേണ്ടി എല്ലാവിശ്വാസികളും പ്രാര്‍ത്ഥിക്കണമെന്ന് വികാരി ഫാ. എന്റിക്് അല്‍വാരെസ് അഭ്യര്‍ത്ഥിച്ചു.
