കൊച്ചി: ചെറുപുഷ്പ സന്യാസസഭയുടെ (സിഎസ്ടി) സുപ്പീരിയര്‍ ജനറലായി റവ. ഡോ ജോജോ വരകുകാലായിലിനെയും ബഥനി മിശിഹാ അനുഗ്രഹ സന്യാസസമൂഹത്തിന്റെ സുപ്പീരിയര്‍ ജനറാളായി ഫാ. മത്തായി കടവില്‍ ഒഐസിയെയും തിരഞ്ഞെടുത്തു.
റവ ഡോ. ജോജോ ആലുവ ലിറ്റില്‍ ഫഌവര്‍ മേജര്‍ സെമിനാരിയുടെ പ്രസിഡന്റും തത്വശാസ്ത്ര പ്രഫസറുമാണ്. ഫാ. ജോര്‍ജ് ആറാഞ്ചേരി, ഫാ. ജോണ്‍ കപ്യാരുമലയില്‍, ഫാ. അനീഷ് അങ്ങാടിയത്ത്, ഫാ. ജീവന്‍ തുണ്ടിയില്‍ എന്നിവരെ സിഎസ്ടിയുടെ ജനറല്‍ കൗണ്‍സിലര്‍മാരായും ഫാ. ടിയോ കൊച്ചുകാവും പുറത്തിനെ ഓഡിറ്റര്‍ ജനറലായും തിരഞ്ഞെടുത്തു.
ബഥനി സന്യാസസമൂഹത്തിന്റെ കൗണ്‍സിലര്‍മാരായി ഫാ, ഗീവര്‍ഗീസ് കുറ്റിയില്‍, ഫാ. വര്‍ഗീസ് വിജയാനന്ദ്, ഫാ. വര്‍ഗീസ് തറമുട്ടം, ബ്ര ഗേഷ്യസ് കരിമ്പനാം മണ്ണില്‍ എന്നിവരെയും പ്രൊക്കുറേറ്റര്‍ ജനറാളായി ഫാ. ജോണ്‍ പലവിലയില്‍ സെക്രട്ടറി ജനറാളായി ഫാ. ജോബിന്‍ കുര്യാക്കോസ് എന്നിവരെയും തിരഞ്ഞെടുത്തു.
