വാഷിംങ്ടണ്‍ ഡിസി: ദൈവാനുഗ്രഹമായിട്ടാണ് തനിക്ക് കോവിഡ് 19 വന്നതെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. രോഗം വന്നില്ലായിരുന്നുവെങ്കില്‍ ഫലപ്രദമായ വാക്‌സിന്‍ ഉപയോഗിക്കുന്നതിന് കാലതാമസം വരുമായിരുന്നുവെന്നും അദ്ദേഹം ട്വീറ്ററില്‍ വ്യക്തമാക്കി. എല്ലാ രോഗികള്‍ക്കും സൗജന്യമായി വാക്‌സിന്‍ നല്കുന്നതിനുള്ള പദ്ധതി തയ്യാറാക്കിയിരിക്കുകയാണെന്നും ട്രംപ് പറഞ്ഞു.
റിജനറോണ്‍ ഫാര്‍മസ്യൂട്ടക്കല്‍ കമ്പനി വികസിപ്പെടുത്ത കോവിഡ് 19 വാക്‌സിനാണ് ട്രംപ് ഉപയോഗിച്ചത്. ഇത് തനിക്ക് രോഗവിമുക്തി തന്നുഎന്നതാണ് കോവിഡ് 19 രോഗത്തെ അനുഗ്രഹപ്രദം എന്ന് വിശേഷിപ്പിക്കാന്‍ ട്രംപിനെ പ്രേരിപ്പിച്ചത്.
