വത്തിക്കാന്‍ സിറ്റി:ആഗോളതലത്തില്‍ വെടിനിര്‍ത്തല്‍ നടപ്പിലാക്കാന്‍ യുഎന്‍ രക്ഷാസമിതി നടത്തിയ പരിശ്രമത്തിന് ഫ്രാന്‍സിസ് മാര്‍പാപ്പയുടെ അകമഴിഞ്ഞ പ്രശംസ. സെന്റ് പീറ്റേഴ്‌സ് സ്‌ക്വയറില്‍ ഞായറാഴ്ച നല്കിയ സന്ദേശത്തിനിടയിലാണ് പാപ്പ യുഎന്നിനെ പ്രശംസിച്ചത്. കോവിഡിന്റെ പശ്ചാത്തലത്തില്‍ 90 ദിവസത്തേക്ക് വെടിനിര്‍ത്താന്‍ യുഎന്‍ ആവശ്യപ്പെട്ടിരുന്നു. മെഡിക്കല്‍ സേവനമുള്‍പ്പടെയുള്ളവ നടത്തുന്നതിന് വേണ്ടിയായിരുന്നു ഇത്.
