പോര്‍ച്ചുഗല്‍: അടുത്ത ലോകയുവജനസംഗമത്തിലെ തീം സോങ് പുറത്തിറക്കി. 2023 ലിസ്ബണിലാണ് അടുത്ത യുവജനസംഗമം നടക്കുന്നത്. മേരി തിടുക്കത്തില്‍ യാത്രയായി എന്ന വിശുദ്ധ ലൂക്കായുടെ സുവിശേഷത്തിലെ എലിസബത്തിനെ സന്ദര്‍ശിക്കാന്‍ മറിയം പുറപ്പെടുന്ന ഭാഗമാണ് ലോകയുവജനസംഗമത്തിന്റെ വിഷയം. theres a rush in the air എന്നു തുടങ്ങുന്നതാണ് ഗാനം. സുവിശേഷവല്‍ക്കരണപ്രവര്‍ത്തനവുമായി ബന്ധപ്പെട്ട് പ്രവര്‍ത്തിക്കുന്ന ഫാ. ജോ പൗലോ വാസിന്റേതാണ് പോര്‍ച്ചുഗീസ് വരികള്‍. അഞ്ച് ഭാഷകളിലാണ് ഗാനം പുറത്തിറക്കുന്നത്. പെദ്രോ ഫെറൈയ്‌റയുടേതാണ് സംഗീതം.
2022 ഓഗസ്റ്റിലാണ് ലോകയുവജനസംഗമം നടത്താന്‍ പദ്ധതിയിട്ടിരുന്നത്. എന്നാല്‍ കൊറോണയുടെ പശ്ചാത്തലത്തില്‍ അത് 2023 ഓഗസ്റ്റിലേക്ക് നീട്ടിവയ്ക്കുകയായിരുന്നു.
